常見問題
存檔放喺邊？會唔會同步？
App Store 版（iPad、Mac）會經你自己嘅 iCloud 同步：收藏冊、成就進度同進行緊嗰局，喺登入同一個 Apple 帳戶嘅 iPad 同 Mac 之間都會跟住你。同一局唔好喺兩部機同時玩：會保留最遲儲存嗰邊。Steam 版嘅存檔只喺嗰部電腦。刪咗遊戲，部機上面嘅存檔就冇咗，iCloud 入面嘅仲喺度，重新安裝就會返嚟。
我買咗完整版，換咗部 iPad 點算？
用同一個 Apple 帳戶登入，喺解鎖畫面撳「恢復購買」就得。
點樣轉地區？
撳開始畫面左上角個地區掣。香港、台灣同中國各有自己嘅賓客、場地同存檔，轉地區唔會影響其他地區嘅進度。
有冇英文版？
暫時只有中文：繁體中文（香港廣東話、台灣華語）同簡體中文。
點樣重玩新手教學？
設定 → 新手教學 → 再玩一次。
點樣熄咗分享數據？
設定 → 分享匿名數據。詳情睇私隱政策。
Steam 版幾時出？
就快推出（Windows、Mac）。有消息會喺呢度公布。